بقول تعصبين ..//بسم الله الرحمن الرحيم بقول تعصبين ..//
******************
يمه بقول لك شي بس لا تعصبين ..//
يمه كتابي بالمدرسه نسيته ..!
بقول تعصبين ..//
ونسيت الالوان ودفتر التلوين ..//
و دفتر الأملاء بالغلط شقيته ..!
بقول تعصبين ..//
و المريول يالغاليه لا تنسين ..//
بالالوان و المزيل وسخته ..!
بقول تعصبين ..//
وانا مع صاحباتي المزايين ..//
يمه صبعي بالمقص جرحيته ..!
بقول تعصبين ..//
بس صدقيني ترى مايعور الحين ..//
لاني في المدرسه بالماي غسلته ..!
بقول تعصبين ..//
و نشفته وحطيت صبغة الايدين ..//
وبلزقه الجروح و الكلينكس لفيته ..!
بقول تعصبين ..//
اكلت العلكة وجبنه لوزين ..//
و العصير ما عجبني طعمة ورميته ..!
بقول تعصبين ..//
ايه يمه ابله العربي الي تعرفين ..//
يمه الجوال منها سرقته ..!
بقول تعصبين ..//
قريت الرسايل المرسله و الجايين ..//
وفيها كلامن كثير ما فهمته ..!
بقول تعصبين ..//
بس والله يايمه تصدقين ..//
بسرعه وبدون ما تحس رجعته ..!
بقول تعصبين ..//
يمه وبقول لك شي بس ابوي لا تخبرين ..//
شعري امس بالمكوى حرقته ..!
بقول تعصبين ..//
و روجك الوردي الي تحبين ..//
يمه خذته معي و في الباص ضيعته ..!
بقول تعصبين ..//
تكفين يا يمه لا تزعلين ..//
لاني روجة الباربي و العطرلك شريته ..!
بقول تعصبين ..//
يمه اسناني تعورني من الصبح للحين ..//
وضرسي الي يتخلخل بالغصب قبعيته ..!
بقول تعصبين ..//
و غسلت فمي و بالماي وللحين ..//
القطن بفمي من الصبح ما شلته ..!
بقول تعصبين ..//
يمه حصة القران تدرين ..//
والرياضيات والعلوم ما حظرته ..!
بقول تعصبين ..//
جلست العب في الساحه مع صابرين ..//
وضيعت شرابي وللحين ما شفته ..!
بقول تعصبين ..//
ورحت مع احمد للمدرسه تصدقين ..//
وكل الي نسيته من هناك جبته ..!
بقول تعصبين ..//
ردفني بالسيكل وسرعنا مثل المجانين ..//
و شرابي الوردي وربي لقيته ..!
بقول تعصبين ..//
وفي طريقنا واحنا ع المحل مارين ..//
وقفته و من يده للمحل نزلته ..!
وهذا الكتكات و السنكرز لا تزعلين ..//
و االببسي والبونتي لك شريته ..!
بقول تعصبين ..//
وترى نص الكتكات لي لا تفرحين ..//
و البونتي والسنكرز لك مابغيته ..!
بقول تعصبين ..//
وهذي هي اللصقه و غرشة الايدين ..//
وترى من غرفة الارشاد سرقته ..!
بقول تعصبين ..//
يمه تعبت من الحكي وبنام هالحين ..//
وبكره اكمل لك الي سويته ..!
بقول تعصبين ..//
اووه صحيح الحليب الي شريتين ..//
تراه انكب بالمطبخ ما غسلته ..!
بقول تعصبين ..//
و صج الكريم و علبه الفازلين..//
و المشط و الشرايط بالكبت خشيته ..!
بقول تعصبين ..//
واخوي الصغير يبكي من جيت للحين ..//
مو راضي يسكت بالعصا طقيته ..!
يمه تكفين بالزعل لا تعاقبين ..//
لان ابوي توي من شوي راضيته ..!
هذا يايمه الي صار لا تكفين ..//
لا تزعلي ترى الزعل عمري ما قويته ..!
بقول تعصبين ..//
ودخلت الطفله في عالم الحالمين ..//
والدموع الي بعينها ما نسيته ..!
بقول تعصبين ..//
نامت الطفله و هي تتمتم الى الحين ..//
يمه السمك ترى للقطو حطيته ..!
بقول تعصبين ..//
يمه المريول اغسليه لا تنسين ..//
و علي واجب لبكره ما حليته ..!
بقول تعصبين ..//
اخذت يمه نجمتين بالدين ..//
واختفى صوتها والباقي ماسمعته ..!
مسحت دمعتها و قبلت الجبين ..//
و شعرها المنثور بيديني جمعته ..!
طفلتي جننت من البشر ستين ..//
و الميه الحين اتوقع وصلته ..!
بقول تعصبين ..//
